Vancouver Island 之旅 (之一)

其實暑假除咗去Calgary外重自己揸車去溫哥華島。雖然只係短短三日，但係都幾好玩。自由自在咁揸住架車呢到去嗰到去確實係一種享受。

就係租咗呢架車，以咁嘅價錢質素都算okay喇。

呢間專賣聖誕物品嘅商店都幾多嘢睇，不過價錢就略貴。

參觀咗間有好多模型嘅 museum，算係一個驚喜。有好多精心制作嘅戰爭及城市場面，彷真程度都幾高。

呢個頹垣敗瓦嘅城市景，有七八分似。

Victoria 最殺食嘅就喺呢啲靚景色。

Scott 仔捧盃

今個暑假幇Scott仔參加咗足球隊，估唔到好有規模。由六月起毎星期都有一日練習、一日比賽。如是者十幾場比賽後，佢個隊都勝多負少，亦越來越有進步。

喺剛過去嘅星期六和日，有兩日Playoff比賽。佢嗰組係八歲以下，共有八隊，分為兩組。分組賽三埸兩勝一和，順利出線。跟住噝semi-final亦以三比零大勝，可惜在決賽以零比一敗北，只能屈居亞軍。不過都己經係人生一段美好回憶。而家俾大家到現場睇睇。

都似模似樣噃。

媽咪都有份。

班隊員由唔識踢到略有台型、合作和隊型，中間都付出唔少，包括教練同班家長。

終於到五萬

架車眨吓眼就用咗三年，都陪我地走遍大江南北。遠至NOVA SCOTIA，南下美國MICHIGAN州，都有佢嘅輪胎痕跡。唔覺唔覺而家又行咗五萬公里，希望順順利利用夠十二年二十萬公里啦。

今個夏天最成功嘅PROJECT

今個夏天卒之的起心肝油咗車房。先行到大百貨公司買油，顏色有成幾百種，淨係Scott仔種意嘅綠色就有十幾種。揀好後店員就key in個color code入電腦，幾分鐘後連住部電腦嘅機器就搞好晒啲油，共有兩大桶。回家後開頭有啲驚唔敢油。後尾拍下心口先係youtube搵到一個video教人油屋，睇完後覺得多咗信心就開始油。估唔到都幾容易，油咗一個下晝己經搞掂。

顏色叫做開心綠。又真係幾開心嘅。











綠油油配合夏天色彩，唔知秋天使唔使改為深棕色。










揸車入門口即刻醒哂。