鋼琴比賽

好耐都無update個blog。趁得閒少少，俾大家睇吓Scott仔喺一個叫RHF鋼琴比賽嘅表演啦。



最後名次大概係第六七名到啦。

Scott Practicing Auld Lang Syne

新球季開鑼

今年夏天嘅OUTDOOR足球季又開鑼。SCOTT仔嗰隊實力都幾好，有啲機會捧盃。佢就成日話自己係其中一個STAR PLAYER。睇吓點?

世界盃熱潮

多倫多都有世界盃熱。係街上啲車都會掛上不同国家嘅國旗，以擁护自己國家嘅球隊。開頭最多係意大利、英格蘭同法國，後來佢咃紛紛出局後就巴西阿根廷德國抬頭。

Scott仔都掛咗英格蘭旗，可惜好快就要除落嚟。

跑步身體好

返到多倫多又可以舒舒服服咁跑步。香港始終太濕同侷。俾大家睇吓我條跑步路綫啦。

Piano Practice Update

Scott practiced a new song which his teacher found challenging when he was a kid. Scott spent one and a half months practicing this song before he got a pass from his teacher.

MAMMA MIA!

母親節前夕一家三口又到 Toronto downtown 睇 musical。今次係睇只係開畫兩星期嘅媽咪咪呀。睇過套電影都幾好，所以有啲期望。結果都覺得唔錯。如果同電影比較，有以下優勝之處：
1) 現場演唱同 live music 都出色，比電影好。
2) 現場觀眾投入，氣氛自然比電影好得多。特別係完場前謝幕後嗰 3 首歌，電影只係當 NG 片睇，現場啲觀眾就企哂起身跳舞，非常興奮。
電影版又有咩強項?
1) 人靚風景靚 - musical版睇唔到個樣，佈景得幾塊板。
2) 電影故事改得搞笑同過癮啲。好似嗰場 Take a chance on me，musical版就有啲夾硬。
3) 下半場有好多內心戲， 電影就容易表達好多， musical版就一味唱慢歌，搞到有啲悶。
不過整體嚟講各有千秋，如果你鍾意 MAMMA MIA!電影，都應該鍾意現場版。

睇show前Scott例要幫襯佢最鍾意嘅hotdog stall。

又到六萬里

眨吓眼又行多一萬公里。

AWANA

Scott仔呢幾年都參加一個為小朋友同少年人而設嘅聖經班 AWANA。每星期一晚。今年又畢業，下面係畢業典禮相片。

又靚咗

過咗幾日又高咗靚咗，啲花重有太陽嗰時會打開，跟住個太陽嘅方向轉，大自然真係有好多奇景。

Happy Mother's Day

一年一度媽媽節又到。係咁yee扮吓幫手洗碗啦。似唔似呀?

呢幅好啲。不過著咗件冇咁靚嘅衫影。

Family Caricature

舊年係溫哥華行商場見到有個女仔畫公仔幾得意，於是一家人畫一幅，而家掛係書房，都幾得意。

主題梗係golf，同埋Scott仔鍾意嘅綠色啦。

屋企後花園最新狀況

春天來臨，學吓人係後園種咗八棵樹。用咗兩晝，都幾辛苦，不過總算有成果。

 就係呢八棵 Emerald Cider，都算整齊啩?

隔離兩間屋先種，我哋都係學佢哋。夾埋又幾好睇。

呢隻可樂你見過未?

Spring Tulip

又係春天百花齊放嘅時間。舊年11月左右Michelle買咗幾十粒 tulip 種子，悉心料理下終於有收成，而家俾大家眕吓相。

多倫多都有 cherry blossom

唔係淨係日本先有櫻花睇，嗰日星期日特登走去多倫多 downtown 有名嘅 High Park，睇吓盛開嘅櫻花，都係樂事。

重有動物園，Scott 仔扮隻雀叫，都引到隻雀埋嚟。

Scott仔又捧盃

今季 indoor 足球已經完滿結束，Scott仔嗰隊係四支9歲以下男女混合隊中屈居亞軍。詳情已經係佢個 blog (http://scottchui.blogspot.com) 敘述，而家俾大家睇下現場實況啦。

比賽前練習。

射波嗰個就係佢啦啦隊!

完場握握手。

 每位球員都有個人及團體相。

 自己做咗張咭，夢想係最佳球員。

飲咖啡身體好

根據一些醫學報告話，每日飲適量咖啡對身體有益。係呢度亦對咖啡比較講究，所以就買咗下面嘅工具學吓咖啡文化。結果成咗習慣，而家朝朝都飲成兩杯。

 中間好大嗰個杯叫french press。將啲咖啡粉(最好係medium grind)放落去，然後落剛啱滾嘅水，搞完後等幾分鐘，就有新鮮美味嘅咖啡嘆。

Mini Soccer

最近Scott仔最沉迷嘅遊戲就係mini soccer。啱啱有疊咭片冇用，試吓教佢摺嚟玩吓我哋細個時最鍾意嘅玩意。點知佢一見傾心，馬上摺咗十四隊不同名嘅球隊，每隊都有隊名，好似英超不過又唔係好一樣。每個球員又有名，又係個個唔同，都有啲創意。跟住又搞咗個賽程表，我就同佢整個績分表spreadsheet，自動update分數。而家晚晚都纏住要打一個game。

 連龍門都一絲不茍，有埋網紋。

 球員大特寫。

跑步機

舊年年尾買咗部跑步機，主要因為冬天出唔到去跑步，為咗keep住呢個良好嘅習慣，唯有投資買部treadmill。
果然無投資錯，而家每日跑5公里40分鐘，出身汗，舒服哂！

 擺喺basement，有時Scott仔乘機走埋落嚟踢波，basement成為我哋嘅運動室。

 跑步機最大問題係悶，重悶過跑街，唯有聽吓歌。

新年快樂!

先祝大家虎年進步!健康快樂!

今日俾各位睇吓多倫多新年點樣慶祝，比起香港甚至溫哥華都係小兒科。

行吓商場買吓嘢。

排隊買蛋仔。

 

睇吓過年啲應節用品。

  

商場請咗啲人唱歌跳舞。

都跳得幾好喎!