煮飯仔續集

又要繼續實驗煮餸。呢嗰星期試吓以下幾味，大部份都OK，有啲小瑕玼咁啦。

三色甜酸菠蘿雞係今次嘅代表作，好味到SCOTT仔連牙都食到甩埋。擺街都應該幾好賣。

 絲瓜瘦肉湯 - 都約好味。衰在太落粉絲，索晒啲水，lesson learned。重有啲絲瓜食咗會有啲痕。

薯仔炆雞翼 - 唔好睇但係好食。

冬瓜瑤柱湯 - 都約好。不過落多咗陳皮，啲湯苦咗。我就覺得甘甘哋幾好味。Scott 就...

煮飯仔

呢個月Michellei放大假，不得不重拾镬鏟，做吓大廚。喺INTERNET左搵右搵，跟住啲菜譜煮，又唔係咁難噃。開頭overcook, undercook, 甜啲鹹啲就在所難免。不過兩星期後嘅今日，總算掌握到一啲技巧。最近重搵到<通之廚房>就更加得心應手。因為佢又係住喺加拿大，所以佢寫嘅材料好易買。加上佢又後生啲，口味同我甚至SCOTT 都接近啲。而家俾大家睇吓我啲大作啦。

 

第一日嘅芥蒸蘭炒牛肉都過得去，嗰蕃茄薯仔排骨湯就好好飲。

 呢味蒜蓉豆豉四色鷄SCOTT仔好欣賞，係咁食停唔到咀。

 雜菜湯都好掂喎。

其他試整過嘅菜色有；竹輪粟米豆腐羹(成功)，蕃茄炒蛋(失敗)，中式牛仔骨(麻麻)，韓式牛仔骨(麻麻)，豆豉蒸排骨(麻麻)，改良上海湯麫(成功)，節瓜瑤柱排骨湯(成功)等。